2024 оны 11 дүгээр сарын 25-ны өдөр сумын Иргэдийн Төлөөлөгчдийн Хурал, Ерөнхий боловсролын сургууль хамтран Үндсэн хуулийн түүхэн ач холбогдол, Үндсэн хуульт төрийн байгуулал, хууль ёсоо эрхэмлэн дээдлэх үзэл санааг иргэдэд тайлбарлан таниулах, үндэсний болон түүхийн ухамсар, бахархлыг дэмжсэн сургалт зохион байгууллаа. Сургалтыг ИТХ-ын төлөөлөгч, ИТХ-ын зөвлөлийн гишүүн Ж.Ширчмаа нээж үг хэлж, төрийн дуулал эгшиглүүлэн Ерөнхий боловсролын сургуулийн Түүх, нийгмийн ухааны багш Л.Ариунжаргал зохион байгууллаа. Сургалтад төр, төсвийн 6 байгууллага, 5 аж ахуй нэгжийн төлөөлөл, сумын иргэд гэсэн нийт 50 гаруй иргэн хамрагдлаа.

      Сумын иргэдийн Төлөлөөгчдийн Хурлын ажлын албанаас иргэдийн дунд “Алтан хонх” тэмцээн зохион байгуулж өргөмжлөл, мөнгөн шагналаар шагналаа. Үүнд:

1-р байр: 1-р цэцэрлэгийн Хөгжмийн багш О.Баярмаа

2-р байр: ЕБС-ийн эмч Г.Анхбаяр

3-р байр: ЕБС-ийн монгол хэлний багш Б.Ундрал нар шалгарлаа.

      Төлөвлөгөөний дагуу Ерөнхий боловсролын сургуулийн сурагчдад сургалт мэдээлэл дамжуулж, контент дүрс бичлэгийг үзүүлэх, 2024 оны 11 дүгээр сарын 25-ны өдөр “Тусгаар тогтнол” сэдвийн хүрээнд “Үндэсний хувцас бидний гоёл” өдөрлөгийг зохион байгууллаа.

      “Тусгаар тогтнол” сэдэвт эсээ бичлэгийн уралдааныг 9-12 дугаар ангийн сурагчдын дунд зохион байгуулахад нийт 15 сурагч оролцож эхний хоёр байрыг шагнаж урамшууллаа.

Үүнд:

1-р байр: 10 а ангийн сурагч С.Ариунаа

2-р байр: 10 а ангийн сурагч А.Хулан нар шалгарлаа.

      Иргэдийн Төлөөлөгчдийн Хурлын ажлын албанаас 1-р цэцэрлэгтэй хамтран “Дээлтэй Монгол” өдөрлөг зохион байгуулж бэлтгэл бүлгийн 5 настай хүүхдүүдийн дунд “Эзэн Чингис хаан” сэдэвт шүлгийн уралдааныг зохион байгууллаа. Шүлгийн уралдаанд нийт 12 хүүхэд оролцсоноос:

1-р байранд Б.Бүрэн-Эрдэнэ

2-р байранд Г.Энхжин нар тус тус байр эзэллээ.

                                                                 Хурлын ажлын алба